Домой Xəbərlər Yaxın günlərdə Lapis-Lazuli marşrutu üzrə pilot reysi yerinə yetiriləcək

Yaxın günlərdə Lapis-Lazuli marşrutu üzrə pilot reysi yerinə yetiriləcək

56
0

Yaxın günlərdə Əfqanıstanın Herat şəhərindən Lapis-Lazuli (Əfqanıstan-Türkmənistan-Azərbaycan-Gürcüstan-Türkiyə) marşrutu üzrə pilot reysinin yerinə yetirilməsi gözlənilir.

AZƏRTAC Türkmənistan Dövlət Teleradiosunun “Vətən” proqramına istinadla xəbər verir ki, Heratdan Turqundi stansiyasına yola düşəcək qatar Türkmənistanın Sərhədabad şəhərinə, sonra bütün ölkənin ərazisindən keçərək Türkmənbaşı Beynəlxalq Dəniz Limanına çatacaq. Daha sonra o, Xəzər dənizi ilə Azərbaycana yola salınacaq.

İlk sınaq reysinin həyata keçiriləcəyi Lapis-Lazuli marşrutu layihənin üzv ölkələrinə regional və kontinental ticarət bazarlarına çıxışları şaxələndirmək imkanı verəcək. Bu da, öz növbəsində, həm bu dəhliz vasitəsilə yük daşıyan ölkələrin, həm də ərazisindən malların tranziti üçün istifadə olunacaq dövlətlərin iqtisadi inkişafına səbəb olacaq.

Lapis-Lazuli marşrutuna dair Saziş 2017-ci il noyabrın 15-də Əfqanıstan, Türkmənistan, Azərbaycan, Gürcüstan və Türkiyə arasında Əfqanıstana dair VII regional iqtisadi əməkdaşlıq konfransında (RECCA – Regional Economic Cooperation Conference on Afghanistan) imzalanıb.

Bu sənədin reallaşdırılması regionun iqtisadi inteqrasiya səviyyəsini yüksəltməyə, ticarətin həcmini əhəmiyyətli dərəcədə artırmağa xidmət edir. Lapis-Lazuri beynəlxalq nəqliyyat dəhlizi həmin marşrut üzrə yükdaşımaların həcmini artırmaq üçün yeni imkanlar yaradır.© Materiallardan istifadə edərkən hiperlinklə istinad olunmalıdır

ОСТАВЬТЕ ОТВЕТ

Please enter your comment!
Please enter your name here