Xəzər dənizi ilə İrandan Azərbaycan istiqamətində hərəkətdə olan İslam Respublikasına məxsus “Narqol” ticarət gəmisi Astara limanı yaxınlığında gövdəsindən zədə alıb və nəticədə batmağa başlayıb.
“Report” RİA “Novosti”yə istinadən xəbər verir ki, bu barədə İranordusunun Hərbi Dəniz Qüvvələrinə (HHQ) istinadən ISNA agentliyi məlumat yayıb.
Bildirilir ki, hazırda HHQ xilasetmə əməliyyatı aparır.
“İran ordusunun Hərbi Dəniz Qüvvələrinin xilasetmə və yardım göstərmə komandası Şimal donanmasının dalğıcları ilə birgə hazırda gəminin heyət üzvlərini xilas etmək üçün hadisə yerindədirlər”, – deyə agentlik hərbçilərə istinadən bildirir.
ISNA-nın məlumatına görə, gəminin gövdəsi bir neçə saat əvvəl deşilib və o, tədricən batmağa başlayıb.
Hadisənin hansı səbəbdən baş verdiyi məlum deyil.
