Bakıdakı gözoxşayan, tarixi binalardan biri də Bakının iri neft sahibkarlarından biri Murtuza Muxtarovun Mərdəkanda yerləşən Dendrologiya İnstitutundakı bağ evidir.
BakuPost xəbər verir ki, ev “kotik” üslubunda “gəmi” formasında layihələndirilib. Divarların eni 1 metr, hündürlüyü isə 8 metrdir. Binaların eyvanı hər yandan gəmi kayutasını xatırladır. Sarayın qərb istiqamətində sağ tərəfdə yataq otağı, sol tərəfdə isə yemək otaqları mövcuddur. Şərq tərəfdə isə qulluqçuların yaşayışı üçün iki mərtəbəli bina ucaldılıb. Binada akustika və venesiya sistemi vardır.
O, Abşeronu gəzib ən gözəl guşəsi və iqlim şəraitini nəzərə alaraq məhz Mərdəkanda bu günkü Dendralogiya İnstitutunu özünə bağ evi seçib. Bura Lənkarandan gəmilərlə torpaq gətirilib və bağa 60-80 sm qalınlığında əlavə torpaq verilmişdi. Ümumi sahəsi 12 ha olan Dendrologiya İnstitutu Abşeron yarımadasının şimal şərq hissəsində, Xəzər dənizindən 3.2 km, şəhərin mərkəzindən isə 40 km məsafədə yerləşir. Ərazi dəniz səviyəsindən 8.2 m hündürlükdədir. Ərazidə hovuz, quyular, heyvanların saxlanılması üçün şərait var.
Hazırda Azərbaycan Milli Elmlər Akademiyasının Dendrologiya İnstitutunun yerləşdiyi ərazi 1895-1920-ci illərdə böyük xeyriyyəçi və neft milyonçusu olan Murtuza Muxtarovun şəxsi bağı olub.
