İtaliyanın xilasetmə xidmətinin zabitləri 200-dən çox miqrantın ölümünə görə mühakimə olunacaq

84

İtaliyanın sahil mühafizəsi xidmətinin idarəetmə mərkəzinin əməkdaşı və İtaliya Hərbi Dəniz Qüvvələrinin əməliyyat xidmət komandiri 2013-cü ilin oktyabrında 268 miqrantın Aralıq dənizində gəmi qəzası nəticəsində ölməsinə görə mühakimə olunacaq.

“Report” TASS-a istinadən xəbər verir ki, bu barədə “Rai News 24” kanalı məlumat yayıb.

Qeyd olunur ki, proses dekabrın 3-də başlamalıdır.

İstintaqın yekunu üzrə müttəhimlər vəzifə öhdəliklərini pozmaq və nəticədə insan ölümünə səbəbkar olmaqda ittiham olunurlar.