Azərbaycanda nəqliyyat və rabitə sektorunun kreditləşməsi 14% azalıb

32

Bu ilin aprelin 1-nə nəqliyyat və rabitə sektoruna kredit qoyuluşunun həcmi ötən ilin eyni ayı ilə müqayisədə 189,3 mln. manat və ya 13,9% azalaraq 1 168,5 mln. manat təşkil edib.

Azərbaycan Mərkəzi Bankından “APA-Economics”ə verilən məlumata görə, nəqliyyat və rabitə sektoruna kredit qoyuluşu aylıq müqayisədə 4 mln. manat və ya 0,3% azalıb.

Sözügedən sektorun kreditləşməsinin real sektora kredit qoyuluşunda xüsusi çəkisi isə 7,5% təşkil edib ki, bu da mart ayı ilə müqayisədə dəyişməz olaraq qalıb, 2019-cu ilin eyni ayı ilə müqayisədə isə 2,9 faiz bəndi azalıb.