Dövlət İmtahan Mərkəzi I və IV ixtisas qrupları üzrə qəbul imtahanlarının tarixini açıqlayıb. DİM-in rəsmi internet səhifəsində verilən məlumata görə imtahanların 20-21 avqust tarixlərində keçirilməsi nəzərdə tutulur. Həmçinin qeyd olunub ki, həmin tarixlərdə imtahan keçiriləcək rayon və şəhərlərin qrafiki, həmçinin “İmtahana buraxılış vərəqəsi” imtahan günündən 5 gün əvvəl DİM-in saytında yerləşdiriləcək.
Xatirladırıq ki, təsdiqlənmiş plana əsasən ADDA-nın bakalavriat səviyyəsi üçün Azərbaycan, rus və ingilis dili bölmələri üzrə ümumilikdə 200 yer ayrılıb. Plan yerlərinin 80-i Dəniz naviqasiyası mühəndisliyi (Azərbaycan bölməsi 50 yer, Rus bölməsi 15, İngilis bölməsi 15), 25-i Elektrik və elektronika mühəndisliyi, 80-i Gəmi energetik qurğularının istismarı mühəndisliyi (Azərbaycan bölməsi 50 yer, Rus bölməsi 15, İngilis bölməsi 15), 15-i Gəmiqayırma və gəmi təmiri mühəndisliyi ixtisasının payına düşür.
Bir daha bütün abituriyentlərə uğurlar arzulayır və gələcəyini dənizçi kimi görmək istəyənlərin yolunu ADDA-da gözləyirik.
İxtisaslarımız haqqına ətraflı məlumatı www.adda.edu.az saytından əldə edə bilərsiniz.
Mənbə:http://adda.edu.az/az/announce/284
