Fransa ən güclü silahını Aralığa göndərdi – Admiral güldü…

73

Fransa donanmasının ən güclü silahı sayılan aviadaşıyıcısını Aralıq dənizinə göndərməsi Türkiyəyə qarşı heç bir risk yaratmır.

Axar.az xəbər verir ki, bunu türkiyəli admiral Cem Gürdəniz ölkə mətbuatına açıqlamasında deyib.

O bildirib ki, Fransa bir ədəd aviadaşıyıcı ilə Türkiyə kimi böyük dövlətə mesaj verə bilməz:

“Buna ancaq gülə bilərəm. Bu mesaj bilirsiniz kimədir? Yunanıstandakı yazıq xalqa, Miçotakisin siyasi mövqeyinə. Yəni fransızlar yunanlara demək istəyir ki, yanınızdayıq. İndi fikirləşin: Türkiyə 300-dən artıq döyüş təyyarəsinə sahibdir. Bu gəmi gələcək, Türkiyəyə qarşı hərbi əməliyyat keçirəcək? Onların heç bir şansı yoxdur. Açıq deyirəm: Türk milləti bu gəmini gözlərində böyütməsin. Texniki və hərbi strategiya baxımından heç bir əhəmiyyəti yoxdur. Ona görə bunu ciddi qəbul etmirəm”.