Şimal dənizində Norveçin “Aker BP” şirkətinə məxsus “Skarv” üzən neft platformasında “Spot” adlı dördayaqlı “robot-it” çalışır.
“Seanews.az” xəbər verir ki, “robot-it” “Cognite” şirkəti tərəfindən yaradılıb. Robotun funksiyasına məlumatların toplanması və yoxlanması, hesabatların sahildəki operatorlara avtomatik göndərilməsi daxildir. “Spot” -20 / +45 temperaturlu hava şəraitində işləmə qabiliyyətinə malikdir.
“Cognite” şirkətinin ofisindən idarə olunan robot onlayn rejimdə fəaliyyət göstərir.
Robotun sürəti 1.6 metrdir. Tam şarj edilmiş halda 90 dəqiqə çalışa bilir. 360 dərəcə görüntü ötürən robotun yükqaldırma qabiliyyəti 14 kiloqrama bərabərdir.
