Tayvan gəmiçilik şirkəti 1,5 milyard dollarlıq gəmi sifariş edib

43

Tayvan mərkəzli “Wan Hai Lines” donanmasını yenilənmə və genişləndirmə proqramına davam edir. Şirkət bu məqsədlə Cənubi Koreyaya aid gəmiqayırma zavoduna 1 miyard dollarlıq sifariş yerləşdirib.

“Seanews.az” xəbər verir ki, sifarişə əsasən Zavodda 9 ədəd 13.000 TEU tutumuna malik gəmi inşa olunacaq.

Qeyd edək ki, “Wan Hai Lines” bundan öncə 2021-ci ilin əvvəlində 12 yeni gəminin inşasına dair “Japan Marine United Corporation” ilə də müqavilə bağlamışdı. Həmin gəmilərin 2022-ci ilin oktyabrından təhvil veriləcəyi gözlənilir. Bu sifarişin dəyərinin 585 milyon dollar olduğu bildirilir.