Ukraynanın dəniz limanlarında yükaşırmada mənfi dinamika davam edir.
“Seanews.az” xəbər verir ki, 2021-ci ilin yanvar-avqust aylarında ölkənin dəniz limanlarında yük dövriyyəsinin həcmi 91,72 milyon ton təşkil edib. Bu da ötən ilin eyni dövrü ilə müqayisədə 13,4% azdır.
İxrac yüklərinin aşırılması 13,1% – 70,2 milyon tona qədər, idxal 4,7%, 15,36 milyon tona qədər, tranzit 29,5% – 5,1 milyon tona qədər, kabotaj 41% – 1,01 milyon tona qədər azalıb.
Səkkiz ay ərzində limanlarda cəmi 24,3 milyon ton (-19,4%) filiz və 26,1 milyon ton (-16,8%) taxıl yükləri aşırılıb.
Hesabat dövründə neft məhsullarının nəqli 48% artaraq 1,19 milyon ton təşkil edib.
Ukraynanın yalnız iki limanının göstəriciləri keçən ilin yükaşırma həcmini üstələyir. İzmail limanında bu göstərici – 2,5 milyon ton (+ 17,4%) və Ust -Dunaysk limanında 34,6 min tondur (+ 1,38%).
Olviya və Reni limanları keçən ilin göstəricilərinə demək olar ki, nail olublar. Olviyanın yük dövriyyəsi 8 ay ərzində 2,65 milyon ton (-0,4%), Reni limanının yük dövriyyəsi 586 min ton (-0,5%) təşkil edib.
2020-ci ildə Ukraynanın dəniz limanlarının yük dövriyyəsi 158,86 milyon ton olub. Bu da 2019-cu ilin göstəricisindən 0,7% azdır.
