Oktyabrın 2-dən 10-dək İstanbulda Beynəlxalq Qayıq Sərgisi ziyarətçiləri qəbul edəcək.
“Seanews.az” xəbər verir ki, “Boat Show Tuzla-2021” sərgisi Yaxın Şərq, Avropa ölkələri, türk respublikaları, eləcə də Ukrayna və Rusiya nümayəndələrinin diqqətini çəkir. Gəmiqayırma şirkətləri satışların keçən ilə nisbətən təxminən 30 faiz artacağını güman edirlər.
Sərgidə 2021-ci ildə aparıcı şirkətlərin yüksək qiymətləndirilmiş gəmiləri və 2022-ci ilin ən son layihələri yer alacaq.
Sərgidə həmçinin əlverişli qiymətlərlə əldə edilə biləcək 5 metrdən 40 metrədək uzunluqda 200-dən çox gəmi modeli nümayiş etdiriləcək.
Dəniz səyahətini sevənlər hər cür dəniz gəmiləri: lüks meqa-yaxtalar, motorlu qayıqlar, katamaranlar, dəyəri 90 min lirədən başlayan və 1 milyard türk lirəsindən daha baha yelkənli gəmilər ala biləcəklər.
