Pentaqonun rəhbəri Qara dənizdəki təlimləri dəyərləndirib

50

“Rumıniya, ABŞ, Türkiyə və Ukrayna Hərbi Dəniz Qüvvələrinin Qara dənizdəki təlimləri inteqrasiya olunmuş mühafizə strategiyasının əsas komponentidir”.

“Report” xəbər verir ki, bunu ABŞ-ın müdafiə naziri Lloyd Ostin tviter səhifəsində bildirib.

“Həqiqətən inteqrasiya olunmuş mühafizə strategiyasının əsas komponentlərindən biri birgə quru, hava və dəniz təlimləri vasitəsilə dünya üzrə müttəfiqlər və tərəfdaşlarla sıx əməkdaşlıq etməkdir”, – paylaşımda deyilir.

Qeyd edək ki, Rumıniya, ABŞ, Türkiyə və Ukrayna donanmasının yeddi hərbi gəmisi cümə günü (12 noyabr- Red) Qara dənizin Rumıniya sahilləri yaxınlığında beynəlxalq sularda təlimlər keçirib.

ABŞ hərbi gəmiləri noyabrın 12-14-də Rumıniyanın Konstansa limanında yerləşdiriləcək. Eyni zamanda ABŞ-ın 6-cı donanmasının komandanı, vitse-admiral Yucina Blek Rumıniya Müdafiə Nazirliyinin yüksək rütbəli nümayəndələri ilə görüşəcək.