Rusiya Coğrafiya Cəmiyyəti və Şimal Donanmasının birgə ekspedisiyasının üzvləri 2020-ci ildə Kars dənizinin dibində aşkar edilən gəminin dalğıc tədqiqatını aparıblar.
“Seanews.az” xəbər verir ki, alimlər həmin gəminin 1918-ci ildə batmış “Vayqaç” buzqıranı olduğunu təsdiqləyiblər.
Qeyd edək ki, 1910-1915-ci illərdə Sibirin şimal sahili boyunca dəniz yolunu öyrənmək üçün “Taimyr” və “Vayqaç” buzqıran gəmilərində hidroqrafik ekspedisiya həyata keçirilib. Bu zaman Severnaya Zemlya arxipelaqı, Starokadomski və Malı Taymır adaları kəşf edilib .
