Uşaq Sığınacağı-Reinteqrasiya Mərkəzinin uşaqlarının “Suraxanı” gəmi-muzeyinə ekskursiyası təşkil edilib

213

Azərbaycan Uşaqları İctimai Birliyinin nəzdindəki Uşaq Sığınacağı-Reinteqrasiya Mərkəzinin uşaqları üçün  dünyanın ilk tanker-muzeyi olan ASCO-nun “Suraxanı” gəmisinə ekskursiya təşkil edilib.Bələdçilərin müşaiyəti ilə uşaqlar tanker-muzeyin zallarını gəzib, gəmiçiliyə aid eksponatlarla yaxından tanış olublar. Onlar muzeydəki oyun manipulyatorlarından istifadə edərək müxtəlif gəmi əməliyyatlarını yerinə yetiriblər. Həmçinin, qonaqlar virtual reallıq eynəkləri vasitəsi ilə tanker muzeyin maşın şöbəsi ilə əyani tanış olublar.“Qarabağ Azərbaycandır” adlı interaktiv isə Mərkəzin balaca üzvlərində qürur və fəxr hissi yaradıb. Ekskursiyadan sonra gəmi-muzeyin restoranında çay süfrəsinə qonaq olan  uşaqlar üçün əyləncə proqramı təşkil edilib. Bundan başqa, onlara “Suraxanı” gəmi-muzeyinin xüsusi hədiyyələri təqdim olunub.