Qazaxıstan Aktau/Kurık-Bakı-Tbilisi-Qars marşrutu üzrə yüklərin göndərilməsi üzrə tərəfdaşlarla sazişlər üzərində işləyir.
Trend-in məlumatına görə, bu barədə Qazaxıstanın baş naziri Əlixan Smailovun sədrliyi ilə anti-böhran tədbirləri üzrə Operativ Qərargahın iclası zamanı deyilib.
İclasda Qazaxıstan yüklərinin daşınması ilə bağlı logistik məsələlərə baxılıb. O cümlədən, Qazaxıstanın sənaye və infrastruktur inkişafı naziri Kairbek Uskenbayev xarici tərəfdaşlarla aparılan danışıqlar və əldə olunmuş razılaşmalar barədə məlumat verib.
“Tranzit və logistika potensialının inkişafı baxımından hazırda Aktau/Kurık-Bakı-Tbilisi-Qars marşrutu üzrə yükdaşıma istiqamətində tərəfdaşlarla müqavilələr hazırlanır. Tarif məsələləri də öz həllini tapır”, – nazir deyib
