İran tankeri təxminən 1 milyon barel nefti Venesuelaya çatdırıb

76

İranın “Naftiran Intertrade Co” şirkəti tərəfindən Venesuelanın Petroleos de Venesuela əyalətinə İran nefti çatdırılıb. Bu, Cənubi Amerika ölkəsinə satış müqaviləsi əsasında  yüngül neft çatdıran üçüncü gəmidir.

“Seanews.az” xəbər verir ki, söhbət İranın Xark neft limanından çıxan və yükləri Venesuelanın Amuay şəhərindəki neft emalı zavoduna çatdıran “Suezmax” tipli “Sonia I” tipli tankerdən gedir.

Venesuela İran neftini öz zavodlarında emal edir.

Keçən ay İranın “Dino I” və “Silvia I” tankerləri də analoji səfərlər həyata keçiriblər, geri qayıdarkən isə İrana ağır Venesuela nefti və yanacaq gətiriblər.

Ötən şənbə günü İran və Venesuela Tehranda hərtərəfli strateji əməkdaşlıq haqqında 20 illik müqavilə imzalayıb.