ASCO bu il tankerləri ilə 2 milyon tondan çox yük daşıyıb

100

Bu ilin yanvar-sentyabr aylarında “Azərbaycan Xəzər Dəniz Gəmiçiliyi” QSC (ASCO) tankerləri ilə 2,3 milyon ton yük daşıyıb.

Bu barədə “Report”a qurumdan bildirilib.

Bundan başqa, məlumata görə, hesabat dövründə “Bərə” və “Ro-Pax” tipli gəmilərlə daşınan vaqonların sayı 30 416 ədəd, avtonəqliyyat vasitələrinin sayı isə 26 715 ədəd olub.

9 ay ərzində ASCO-nun universal quru yük gəmiləri isə 807 min ton yük nəql edib.