Ən böyük quşçuluq şirkəti “HMM”-dəki dövlət payını almaq və konteyner xəttinin əsas səhmdarı olmaq niyyətindədir

213

Cənubi Koreyanın ən böyük quşçuluq şirkəti olan “Harim Group”, “HMM”-dəki dövlət payını almaq və konteyner xəttinin əsas səhmdarı olmaq niyyətindədir.

Seanews.az” xəbər verir ki, bu həftə “Harim Group” və özəl investor “JKL Partners” dövlətə məxsus Koreya İnkişaf Bankı (KDB) və Koreya Dəniz Gəmiçiliyinə Dəstək Korporasiyasına (KOBC) məxsus “HMM”-in 57,87% payını almaq üçün birgə təklif təqdim edib. Səhmlər blokunun dəyəri 3,9 milyard dollardan 7,8 milyard dollaradək qiymətləndirilir.

Xatırladaq ki, Koreya konteyner xətti “SM Group”-un sədri Vo Oh Hyun bu yaxınlarda “HMM” səhmlərini almaqda maraqlı olduğunu açıqlamışdı. “Şirkətin “HMM”-in əksər hissəsini almaq üçün vəsaiti var. Biz inanırıq ki, “HMM” üçün məqbul qiymət təxminən 4 trilyon von (3,15 milyard dollar) təşkil edir. Biz hətta 4,5 trilyon von (3,5 milyard dollar) təklif edə bilərik, lakin qiymət bu səviyyəni hətta bir von keçərsə, biz almaqdan imtina edəcəyik”, – deyə o, bildirib.

“Cənubi Koreya mediası “Harim” və “SM Group”-un təkliflərini onların sədrləri Kim Honq Kook və Vo Oh Hyun arasında rəqabət kimi görür. Onlar 1970-ci illərdə quşçuluq biznesində birlikdə çalışmış keçmiş biznes tərəfdaşlarıdır.

“SM Group” 2021-ci ildə “HMM” səhmlərini almağa başladı və 7 iyul tarixinə səhmlərin 6,56%-nə sahib olması, onu KDB və KOBC-dən sonra “HMM”-in üçüncü ən böyük səhmdarı edir.

“Harim Group” Cənubi Koreyanın ən böyük quru yük daşıma şirkəti olan “Pan Ocean”-ın ana şirkətidir və 2015-ci ildə “Harim” tərəfindən alınıb.