“Azərbaycan Xəzər Dəniz Gəmiçiliyi” QSC-nin (ASCO) Azərbaycan Dövlət Dəniz Akademiyasının (ADDA) nəzdindəki Azərbaycan Dənizçilik Kollecinə (ADK) qəbulla bağlı bəzən anlaşılmazlıqların olduğunu nəzərə alaraq aşağıdakı məlumatları diqqətinizə çatdırıq.
1. ADK-ya qəbul Dövlət İmtahan Mərkəzi (DİM) tərəfindən Azərbaycan Respublikasının Orta İxtisas Təhsili Müəssisələrinə Tam Orta Təhsil Bazasında Tələbə Qəbulu Qaydalarına uyğun aparılır.
2. ADK yalnız tədrislə məşğuldur, ADK qəbul imtahanı keçirmir.
3. ADK-ya qəbul Tam Orta Təhsil Bazasından (yəni 11 illik attestatla) aparılır.
4. ADK-da bütün ixtisaslar üzrə təhsil müddəti 2 ildir.
5. ADK-da təhsil yalnız əyani qaydada aparılır.
6. Ödənişli təhsil haqqı illik 600 manatdır.
ADK-nı uğurla bitirən tələbəyə orta texniki ixstisas diplomu verilir.
ADK-nı fərqlənmə ilə bitirən tələbə (subbakalavr) ADDA-ya imtahansız qəbul ola bilər. Bununla bağlı qaydaları Dövlət İmtahan Mərkəzi təyin edir.
2023-2024-cü tədris ili üçün ADK-ya aşağıdakı 3 ixtisas üzrə qəbul aparılacaq.
1. “Gəmi sürücülüyü”
2. “Gəmi energetik qurğularının istismarı”
3. “Elektrik təchizatı” (Su nəqliyyatında)
Təsdiqlənmiş plana əsasən, hər ixtisas üzrə ayrı-ayrılıqda 20 yer (ümumilikdə 60 yer) ayrılıb. Bunlardan 15-i dövlət sifarişi hesabına, 5-i isə ödənişli əsaslarla təhsil almaq üçün nəzərdə tutulub.
Əlaqə:
+994 50 287 99 14
Xahiş edirik, ancaq rəsmi məlumatları izləyin və göstərilən əlaqə nömrəsinə zəng edin.
seanews.az
