“Üç əsrə şahid” – TAM FİLM

392

“Üç əsrə şahid” qısametrajlı bədii-sənədli filmi təqdim olunub 

“Azərbaycan Xəzər Dəniz Gəmiçiliyi” QSC-nin (ASCO) sifarişi ilə ölkəmizdə milli gəmiçiliyin əsasının qoyulmasının 165 illiyinə həsr olunmuş “Üç əsrə şahid” adlı qısametrajlı bədii-sənədli film təqdim olunub.

Quruluşçu rejissoru Əməkdar incəsənət xadimi Elxan Cəfərov olan ekran əsərində milli gəmiçiliyin zəngin tarixi, ənənələri, müasir dövrdəki inkişafı əksini tapıb. Bundan başqa, filmdə 1855-1916-cı illərdə yaşamış, rus admiralının vəsatəti ilə təhsil almadan diplom alan ilk azərbaycanlı dənizçi Hacı Vahab Əliqulu oğlunun timsalında dənizçilərimizin ümumiləşdirilmiş obrazı təqdim olunur.Xalq artisti Fəxrəddin Manafovun əsas qəhrəmanı canlandırdığı filmdə bədii səhnələrlə yanaşı, izləyiciləri təəccübləndirəcək sənədli kadrlar da yer alıb.Filmin sujet xətti kimi, musiqisi də orijinallığı ilə seçilir. Ekran işində səslənən “Xəzərin sahilində” mahnısına Xalq artisti Alim Qasımov və Araz Hümbətli yeni nəfəs verib.