Avtonom gəmilər üçün uzaqdan idarəetmə mərkəzi yaradılır

188

“Samsung Heavy Industries” (“SHI”) şirkəti və “DNV”  təsnifat cəmiyyəti real vaxt rejimində avtonom gəmilərin monitorinqi və nəzarəti üçün “SHI”-nin ən müasir uzaqdan idarəetmə mərkəzini yaratmaq barədə Anlaşma Memorandumu imzalayıblar.

“Seanews.az” xəbər verir ki, Anlaşma Memorandumu “DNV” və “Samsung Heavy Industries” arasında innovasiyalar və dəniz nəqliyyatının gələcəyinin inkişafı sahəsində əməkdaşlığın əsasını təşkil edəcək.

Birgə müəssisə təkcə Uzaqdan Əməliyyatlar Mərkəzi yaratmağı deyil, həm də onların təhlükəsiz və fasiləsiz fəaliyyətini təmin etmək üçün qabaqcıl texnologiyalar, o cümlədən Əşyaların İnterneti (IoT) və kibertəhlükəsizlik platformalarından istifadə etməklə avtonom gəmiçiliyin gələcəyini inkişaf etdirməyi planlaşdırır.

Mərkəz həmçinin avtonom gəmi konsepsiyalarının əsasını təşkil edən uzaqdan yardım texnologiyalarını inkişaf etdirəcək və onların praktik tətbiqlərini sınaqdan keçirəcək. “DNV” Mərkəzin konsepsiyası ilə bağlı “SHİ” gəmiçilik şirkətinə məsləhət verəcək və daha sonra müvafiq qaydalara uyğun olaraq sertifikatlaşdıracaq.