Cənubi Koreyanın gəmiqayırma zavodlarında sifarişlərin aylıq yerinə yetirilməsi tempi keçən illə müqayisədə üçdə bir dəfə artıb.
“BusinessKorea” xəbər verir ki, artım hökumətin əcnəbilərin işə götürülməsi şərtlərini yüngülləşdirməsi ilə izah olunur.2023-cü ilin üçüncü rübündə Cənubi Koreya tərsanələrində orta aylıq gəmiqayırma həcmi 776 min qross ton (CGT) səviyyəsində qeydə alınıb. Bu, 2023-cü ilin ikinci rübü ilə müqayisədə (659 min CGT) 17,7% çoxdur. 2022-ci ilin üçüncü rübü üçün orta aylıq gəmiqayırma həcmi 570 min CGT idi, buna görə də 2023-cü ilin rüblük nəticələri keçən ilkini 36,1% üstələyir.Koreya Ticarət, Sənaye və Energetika Nazirliyinin və Ədliyyə Nazirliyinin məlumatına görə, gəmiqayırma sənayesi cari ilin birinci yarısında xarici ölkələrdən 11104 işçi cəlb edib ki, bu da 14 000-dən çox illik işçi çatışmazlığının təxminən 70%-ni təşkil edir.İşçi qüvvəsindən səmərəli istifadə sayəsində gəmiqayırma şirkətlərinin orta əməliyyat göstəricilərində də artım müşahidə olunur.2024-cü ildə hökumət ixtisassız əcnəbi işçilər üçün təlim proqramını demək olar ki, 8 dəfə – 4 min nəfərə qədər genişləndirməyi planlaşdırır.Nəşr Cənubi Koreyanın gəmiqayırma sənayesinin adının açıqlanmayan nümayəndəsindən sitat gətirib: “Xarici işçilərin inteqrasiyası ilə yanaşı, robot texnologiyasının inkişafı və ağıllı tərsanələrin yaradılması kimi amillər tərsanələrdə əmək probleminin həllində əsas rol oynayır.
seanews.az
