Pakistan ABŞ-nin başçılıq etdiyi beynəlxalq koalisiyanın Ərəbistan dənizində gəmilərin yerləşdirilməsi ilə bağlı husilərə qarşı əməliyyatında ölkə donanmasının iştirakı ilə əlaqədar xəbərləri təkzib edib.
“Report” xəbər verir ki, Pakistan Hərbi Dəniz Qüvvələrinin nümayəndəsinin müvafiq təkzibini “The Express Tribune” qəzeti yayıb.
Bəyanatda deyilib ki, gəmilər beynəlxalq gəmiçiliyi qorumaq üçün Ərəbistan dənizinə göndərilir ki, bu da Pakistana təsir edir və bu addımın Fələstinin HƏMAS hərəkatı ilə İsrail arasındakı münaqişə ilə heç bir əlaqəsi yoxdur.
Nəşrin məlumatlı mənbələrinə görə, İslamabad Vaşinqtonun ABŞ-nin rəhbərlik etdiyi Birləşmiş Dəniz Qüvvələrinin (BDQ) tərkibində Qırmızı dənizdəki 153 saylı İşçi Qrupuna qoşulmaq təklifini rədd edib.
