Məqsədimiz 2028-ci ildə Los Ancelesdə keçiriləcək Yay Olimpiya Oyunlarında Azərbaycan bayrağını dalğalandırmaqdır.
“Report”un məlumatına görə, bunu Azərbaycan Yelkən Federasiyasının (SFA) vitse-prezidenti Burcu Algon Giorgianni deyib.
Qurum rəsmisi Ulu Öndər Heydər Əliyevin xatirəsinə həsr edilmiş “Bakı Yelkən Reqatası 2024” barədə fikirlərini bölüşüb.
O, turnirin 4-cü dəfə təşkil olunduğunu xatırladıb: “Üç gün ərzində altı yarış keçirildi. Uşaqlarımız böyük uğurlar əldə etdilər. Bu dəfə Gürcüstan yelkənçiləri də iştirak edirdilər. Yelkən Azərbaycanda yeni idman növüdür. Avropa və dünya çempionatlarında yaxşı çıxış edirik”.
