Azərbaycan Dövlət İqtisad Universitetinin Beynəlxalq ticarət və logistika ixtisasının “SABAH”qrupunun tələbələri Bakı Limanına səfər edib. Səfər edən tələbələrə Bakı Lmanının tarixi, inkişaf yolu, layihələri, Yaşıl Liman konsepsiyası habelə, karyera imkanları barədə məlumat verilib.
Gələn tələbələr limanın terminalları və yükaşırma prosesi ilə də tanış olublar və onların sualları cavablandırılıb. Sonda isə ənənəvi ağacəkmə aksiyası keçirilib və xatirə fotosu çəkilib.
