Azərbaycan yelkənçiləri 2024 Gürcüstan Açıq Çempionatında parladı
27 sentyabr tarixində başlayan Gürcüstan Açıq Çempionatı 2024 bu gün uğurla başa çatdı və Azərbaycan yelkənçilərinin böyük qələbələri ilə yadda qaldı.
Optimist sinfində Yağmur Həsənli Junior kateqoriyasında 1-ci yeri tutaraq öz sinfində üstünlüyünü nümayiş etdirdi. O, həmçinin Ümumi və Qızlar kateqoriyalarında 2-ci yeri qazanaraq fərqli kateqoriyalarda da gücünü göstərdi. Ameliya Əliyeva isə Junior kateqoriyasında 2-ci yer, Qızlar kateqoriyasında isə 3-cü yeri qazanaraq Azərbaycan komandasının nailiyyətlərinə öz töhfəsini verdi.
ILCA 4 kateqoriyasında Nəzrin Məmmədova möhtəşəm çıxışı ilə 1-ci yeri tutaraq, gələcəyin ulduz yelkənçilərindən biri kimi özünü təsdiqlədi.
İdmançılarımızın uğurları bizi çox sevindirir və onlara bu böyük nailiyyətlərinə görə təbriklərimizi çatdırırıq. Onların çıxışları təkcə Azərbaycana şərəf gətirmir, eyni zamanda gələcək nəsillərə ilham verir.
