Noyabrın 6-da Cəfər Cabbarlı adına Azərbaycan Dövlət Teatr Muzeyində 8 noyabr – Zəfər gününə həsr olunmuş “Qanımızla qazanmışıq zəfəri!” adlı tədbir keçirilib. ADDA tələbələri də tədbirdə iştirak ediblər.
Tədbirdə Azərbaycan Respublikasının Dövlət Himni səsləndikdən sonra ərazi bütövlüyümüzün təmin edilməsi uğrunda canlarını qurban verən, şəhidlik zirvəsinə ucalan qəhrəmanlarımızın əziz xatirəsi bir dəqiqəlik sükutla yad edildi. Elmi-kütləvi işlər şöbəsinin müdiri Ümidə Hacıyeva Qarabağ savaşı və 44 günlük Vətən müharibəsindən bəhs edən mühazirə ilə çıxış etdi.
Ardınca tələbələrə muzey əməkdaşları tərəfindən hazırlanan Vətən müharibəsinin gedişatını və “Böyük Qayıdış”ımızı əks etdirən videoçarxlar nümayiş olundu.
Konsert proqramı ilə davam edən tədbirin bədii hissəsində isə Azərbaycan Respublikası Müdafiə Nazirliyinin Həzi Aslanov adına Ordu İdeoloji və Mədəniyyət Mərkəzinin mahnı və rəqs ansamblı vətənpərvərlik mövzusunda musiqi nümunələri ilə çıxış etdilər.
Sonda xatirə şəkli çəkdirildi.
adda.edu.az
