Gələcəyin gəmi kapitanı olmaq istəyən Ömər, Təhsil TV-nin “Məktəblinin Arzusu” layihəsi çərçivəsində ASCO-nun Azərbaycan Dövlət Dəniz Akademiyası və “Suraxanı” gəmi-muzeyini ziyarət edib.
Burada ona dənizçilik sənətinin incəlikləri izah edilib, gələcək karyerası üçün motivasiya qazandıran maraqlı məlumatlar verilib. Ömər üçün bu gün həm maarifləndirici, həm də ilhamverici bir təcrübə olub.
