Norveçin “Henriksen AS” şirkəti kiçik qayıqlar və pilotsuz suüstü dronlar (USV) üçün nəzərdə tutulmuş tam avtomatlaşdırılmış suya endirmə və qaldırma sistemini (LARS) hazırlayıb.
Sistem ilk dəfə 9–11 iyun tarixlərində Sauthemptonda keçiriləcək “Seawork” sərgisində təqdim olunacaq. Yeni həll ana gəminin arxa rampasından əməliyyatların tam avtomatik idarə olunmasına imkan yaradır.
“Henriksen” slip sistemi sayəsində polis və hərbi heyət sərt gövdəli şişmə qayıqlara (RIB) minib iki dəqiqədən az müddətdə dəniz əməliyyatına başlaya bilir. Bu sürət gömrük nəzarəti, hüquq-mühafizə və minatəmizləmə əməliyyatlarında istifadə olunan pilotsuz sistemlərin operativ yerləşdirilməsi baxımından xüsusilə əhəmiyyətlidir.
Sistemin əsas texnoloji üstünlüyü “tutucu qarmaq” (capture claw hook) mexanizmidir. Bu texnologiya qayığı avtomatik şəkildə sabitləyir və təhlükəsiz formada ana gəmidəki yerinə geri çəkir.
Norveçin Tönsberq şəhərində yeni zavodda istehsal olunan HSS sistemi dəniz əməliyyatlarında təhlükəsizlik və operativliyi artırmaq məqsədi daşıyır.
Seanews.az
