Amerika Birləşmiş Ştatları Rusiya ilə əlaqəsi olan və müsadirə edilən iki tankeri təkrar emal olunması üçün söküntü şirkətinə satıb. Gəmilər metallolom kimi parçalanmaq məqsədilə Hindistanın Alanq şəhərindəki gəmi söküntüsü zavoduna göndərilir.
Denizxeber.az bildirir ki, ABŞ hökuməti müsadirə olunmuş “Era” və “Lileo” tankerlərini “GMS” təkrar emal şirkətinə satıb və hər iki gəmi hazırda Alanq istiqamətində üzür.
Müsadirə olunmuş gəmilərin utilizasiyasına dair məhkəmə qərarı çıxarılıb və ABŞ Maliyyə Nazirliyi əməliyyatın həyata keçirilməsi üçün müvafiq istisnalar (ləğvetmə icazələri) tətbiq edib.
Hüquqi icazələrin olmasına baxmayaraq, sanksiya risklərindən ehtiyat edən banklar, dəniz sığortası şirkətləri və digər xidmət təminatçıları bu tankerlərin satışı və daşınması prosesində əməkdaşlıq etməyə həvəssiz yanaşıblar.
Tankerlərin göndərildiyi Hindistanın Alanq limanı dünyada köhnə və müsadirə edilmiş gəmilərin utilization olunması (sökülərək metal qırıntısına çevrilməsi) üzrə en iri mərkəzlərdən biridir.
