Xerson Dövlət Dəniz Akademiyasında (Ukrayna) “Dəniz sənayesinin davamlı inkişaf problemləri” mövzusunda beynəlxalq onlayn elmi-praktik konfrans keçirilib.
Azərbaycan Dövlət Dəniz Akademiyası konfransın təşkilində yaxından iştirak edib. ADDA-nın elmi işlər və beynəlxalq əlaqələr üzrə prorektoru, dosent Vüqar Sadıqov isə Təşkilat Komitəsində təmsil olunub.
“Tətbiqi mexanika” kafedrasının müdiri, professor Vaqif Həsənov konfransın plenar iclasında ”Gəmi istilik mübadiləsi aparatları borularının optimal istismar şəraitinin tədqiqi” mövzusunda məruzə ilə çıxış edib.
Həmin kafedranın doktorantı Elvin İbrahimli isə müvafiq bölmədə əldə etdiyi elmi nəticələr barədə məqaləni təqdim edib.
adda.edu.az
