İtaliya Sahil Mühafizə Xidmətinin əməkdaşları Aralıq dənizində 1300-dən çox miqrantı xilas edib.
Bu barədə “Report” “Reuters”ə istinadən xəbər verir.
Qeyd olunub ki, gəmilərin birindən sahildən 160 km aralıda olan 500 miqrant təxliyə edilib, sonra onlar Redjo-Kalabriya şəhərinə aparılıb. Eyni ərazidə başqa gəmidən daha 379 nəfər xilas edilib.
Bundan əlavə, 487 miqrantı daşıyan balıqçı qayığı yedəklə Kalabriyadakı Krotone limanına aparılıb. Yerli rəsmilər daha 200 nəfərin Siciliya sahillərindən götürüldüyünü bildiriblər.
Xatırladaq ki, bu il İtaliyaya 17 mindən çox miqrant qanunsuz daxil olub.
