Rusiyanın hərbi əməliyyatları nəticəsində Ukrayna limanları bağlandığından, Rumıniya Qara dəniz sahilindəki Konstansa limanının infrastrukturunu Ukraynaya ixracat tədarükü üçün təqdim etməyə hazırdır.
“Seanews.az” “korabel.ru”-ya istinadən xəbər verir ki, bu barədə cümə axşamı Rumıniyanın milli müdafiə naziri Vasile Dinku məlumat verib.
Nazir deyib:“Həm hökumətlər, həm də şirkətlər arasında danışıqlar aparılır. Biz, xüsusən də Ukraynadan Konstansa limanına və Qara dənizdəki digər limanlara daşıma mexanizmini asanlaşdırırıq. Biz bunu dəstəkləyirik və bu baş verir”.
