Avropa Komissiyasının sədri Ursula fon der Leyen metanolla işləyəcək dünyanın ilk konteyner gəmisinin “xaç anası” olmağa razılıq verib.
“Seanews.az”-ın məlumatına görə mərasim sentyabrın 14-nə planlaşdırılıb və Kopenhagendə baş tutacaq, burada gəmi öz adi Baltik marşrutuna çıxmazdan əvvəl ilk səfərinə çıxacaq.
Uzunluğu 172 metr və tutumu 2,1 min TEU olan fider konteyner gəmisi Danimarka bayrağı altında üzəcək.
Bu, “A.P. Moller – Maersk”-in metanol konteyner donanmasının ilk gəmisidir. 2021-ci ildə sifariş verilən gəminin tikintisi hazırda Koreyanın “Hyundai Mipo” gəmiqayırma zavodunda davam etdirilir.
