ABŞ Mərkəzi Komandanlığı (CENTCOM) İranın dəniz blokadası bərpa olunandan bəri ABŞ Hərbi Dəniz Qüvvələrinin İran limanlarına gedən və ya oradan çıxan 138 ticarət gəmisini ələ keçirdiyini (istiqamətini dəyişdirdiyini) açıqlayıb.
Denizxeber.az “İnterfaks” agentliyinə istinadən xəbər verir ki, CENTCOM rəisi admiral Bred Kuper dəniz blokadası nəticəsində İranın ən azı 25 milyard dollar dəyərində xam neft ixrac etməsinin qarşısının alındığını bildirib.
Admiral vurğulayıb ki, Hörmüz boğazına nəzarət İran tərəfindən deyil, ABŞ və regional tərəfdaşları tərəfindən həyata keçirilir.
Kuper həmçinin qeyd edib ki, Amerika ordusu son yeddi gün ərzində Fars körfəzindəki tərəfdaş ölkələrə Hörmüz boğazı vasitəsilə 100 milyon bareldən çox xam neftin təhlükəsiz daşınmasına kömək edib.
