Rusiya donanmasına məxsus “Kuzma Minin” teploxodu dekabrın 18-də səhər saatlarında Böyük Britaniyanın Kornout məntəqəsindəki Falmut buxtasında saya oturub.
AZƏRTAC BBC-yə istinadla xəbər verir ki, sahil mühafizə xidməti yük gəmisində 5 dərəcə əyilmə müşahidə olunduğunu bildirib. Göyərtəsində 18 dənizçinin olduğu teploxodda hər hansı yükün olmadığı da xəbər verilir.
Hazırda gəmiyə yedək qoşulub və su axınının köməyi ilə onun saydan çıxarılması işləri aparılır. Sahil mühafizə xidməti digər gəmiləri hadisənin baş verdiyi ərazidən uzaqlaşdırıb.© Materiallardan istifadə edərkən hiperlinklə istinad olunmalıdır
