Riqa limanında gəmiçilikdə nadir hallarda rast gəlinən hadisə baş verib.
“RİA Novosti” xəbər verir ki, Antiqua və Barbuda bayrağı altında üzən “Hadeland” adlı yük gəmisi limandan çıxarkən torpağa ilişib.
İlk cəhddə özü çətinliklə yoluna düzələn su nəqliyyatı ikinci dəfə daha çətin yerdə “ilişib”.
Bu dəfə köməyə sahil mühafizə xidmətinin “Qaysma KA06” gəmisi yetişib. “İlişdiyi” yerdən çəkilərək çıxarılan “Hadeland”da yoxlama aparılarkən kapitanın sərxoş olduğu aşkarlanıb.
Başverənlər haqqında protokol tərtib olunduqdan sonra gəmi yenidən limana çəkilib və saxlanılıb.
