Türkmənistanın Xarici İşlər Nazirliyində keçirilən görüşdə iki ölkənin Xarici İşlər nazirliklərinin struktur bölmələrinin rəhbərləri səviyyəsində nəqliyyat və enerji sahəsində əməkdaşlıq məsələləri müzakirə edilib.
AZƏRTAC xəbər verir ki, tərəflər Xəzər dənizi-Qara dəniz beynəlxalq nəqliyyat marşrutunun yaradılması layihəsi məsələlərinə xüsusi diqqət yetiriblər.
Görüşdə tərəflər, həmçinin beynəlxalq təşkilatlar çərçivəsində əməkdaşlıq, siyasi, iqtisadi-ticarət, mədəniyyət və humanitar sahələrdə əlaqələrin genişləndirilməsi məsələlərini müzakirə ediblər.
Xatırladaq ki, cari ilin martın 4-də Buxarestdə Rumıniya, Azərbaycan, Türkmənistan və Gürcüstan Xarici İşlər Nazirləri Xəzər və Qara dənizlər arasında yük daşımaları məsələsini müzakirə ediblər və bununla bağlı bəyannamə imzalayıblar.
© Materiallardan istifadə edərkən hiperlinklə istinad olunmalıdır