ABŞ-ın “Crew Dragon” kosmik gəmisi Meksika körfəzində, Florida ştatının sahilləri yaxınlığında suya eniş edib.
Trend-in “TASS”a istinadən verdiyi məlumata görə, kosmik gəminin eniş etməsi ABŞ-ın Milli Aeronavtika və Kosmos İdarəsinin (NASA) saytında canlı yayımlanıb.
Məlumata əsasən, təxminən 5,5 kilometr yüksəklikdə kosmik gəminin əyləc paraşütləri, bir neçə dəqiqədən sonra isə təxminən 2 kilometr yüksəklikdə əsas dörd paraşütləri açılıb. Saat 22:48-də kosmik gəmi təxminən saniyədə 7,5 metr sürətlə Meksika körfəzində suya eniş edib.
Qeyd edək ki, “Crew Dragon” kosmik gəmisinin göyərtəsində NASA-nın iki astronavtı – Daqlas Harli və Robert Benken olub.
