Yaponiyaya məxsus “ONE Apus” konteyner gəmisindən fırtına zamanı Sakit Okeanda külli miqdarda konteyner itkin düşüb.
“Seanews.az” xəbər verir ki, itkin düşmüş konteynerlərin 40 ədədinin içərisində təhlükəli maddələr olub.
Məlumata görə, “ONE Apus” gəmisi Çindən Kaliforniyaya üzürmüş. Hazırda konteyner gəmisi itmiş konteynerlərin dəqiq sayını müəyyən etmək və gəmidə qalan konteynerləri bərkitmək üçün Yaponiyaya üzür.
Tutumu 14 min TEU, uzunluğu isə 364 metr olan gəmi 2019-cu ildə inşa edilib.
