Mərmərə dənizində yaranan selik təbəqəsinin təmizlənməsi məqsədilə Türkiyədə başladılan dəniztəmizləmə səfərbərliyi tam gücü ilə davam edir.
AZƏRTAC xəbər verir ki, bununla bağlı qardaş ölkənin ətraf mühit və şəhərsalma naziri Murat Kurum açıqlama verib.
Bildirilib ki, səfərbərlik çərçivəsində indiyədək İstanbul, Balıkesir, Kocaeli, Yalova, Bursa, Çanaqqala, Tekirdağ vilayətləri olmaqla ümumilikdə 278 bölgə təmizlənib. Dənizdən ümumilikdə 4 min 555 kubmetr selik çıxarılıb.
Bu istiqamətdə aparılan araşdırma nəticəsində baş verən hadisədə əlaqəsi olması şübhəsi ilə bir sıra iş yeri bağlanıb.
