“Dənizçi təmir-tikinti” MMC-nin əməkdaşı Fizuli Əliyev 60 illik yubileyini qeyd edir

55

“Azərbaycan Xəzər Dəniz Gəmiçiliyi” QSC-nin (ASCO) “Dənizçi təmir-tikinti” MMC-nin əməkdaşı (çilingər) Fizuli Əliyev 60 illik yubileyini qeyd edir.

Bu məqsədlə ASCO-nun Sosial inkişaf və nəqliyyat şöbəsinin və Dəniz Nəqliyyatı İşçiləri Həmkarlar İttifaqı Respublika Komitəsinin əməkdaşları yubiliyar baş çəkib, onu doğum günü münasibətilə təbrik ediblər.

Həmkarları ona ASCO-nun sədri Rauf Vəliyev başda olmaqla, bütün dənizçilərin xoş sözlərini çatdırıb, cansağlığı, uzun ömür arzulayıblar.

Yubiliyar öz növbəsində həmkarlarının qədirbilənliyinin ona yüksək əhval-ruhiyyə bəxş etdiyini söyləyib.

Qeyd edək ki, Fizuli Əliyev 1961-ci ildə Lənkəran rayonunun Tütəpeştə kəndində doğulub. 1980-ci ildə Bakı Politexnik Texnikomunu texnik-mexanik ixtisası üzrə bitirib.

1995-ci ildən Azərbaycan Xəzər Dəniz Gəmiçiliyinin sıralarında çalışır.

seanews.az