Polşa 2030-cu ilə qədər Baltik limanları arasında lider ola bilər.
Proqnozlara görə, iqtisadi və geosiyasi şərtlər dəyişdikcə Polşa limanları daha yaxşı vəziyyətdə olacaq. Əgər əvvəllər Polşa qərbdən şərqə yük tranzitinə daha çox diqqət yetirirdisə, indi getdikcə daha çox şimaldan cənuba tranzitə yönəlir.
“Via Carpatia” avtomobil yolunun İsveçi Qərbi və Mərkəzi Polşa ilə birləşdirən geniş nəqliyyat dəhlizi Varşavanı bölgənin liderinə çevirməlidir.
Bundan əlavə, dəmir yolunun tikintisi üçün 1,08 milyard avrodan çox vəsait ayrılıb. Məqsədi Şesin və Svinouysts ilə Polşanın cənubundakı Qdanks və Qdınyadan Çexiya və Slovakiyaya gedən qatarların hərəkətini birləşdirmək və yaxşılaşdırmaqdır.
Hazırda dəmir yolu şəbəkəsinin inkişafı və dəniz limanları ilə əlaqəsinin yaxşılaşdırılması Polşa limanlarının inkişafında əsas element hesab olunur.
Polşa limanlarının əhəmiyyətinin artması fonunda şərqi Baltikyanı ölkələr – Litva, Latviya və Estoniya limanları üçün ən ləng inkişaf templəri proqnozlaşdırılır.
Baltik limanları artıq materik tranzit zonalarını itirirlər. Latviya və Estoniyada Rusiya tranzit yükləri demək olar ki, yoxdur. Əsasən 2009-ci il və qlobal tənəzzüldən sonra dağıldılar.
“Litvada Belarus yüklərinin tranzit itkiləri proqnozlaşdırılır. Yükün üçdə bir hissəsini itirdikdən sonra Klaypeda limanında vəziyyət və rəqabət mühiti əhəmiyyətli dərəcədə dəyişə bilər. Nəinki Klaypeda limanı, hətta dəmir yolları da gəlir itirəcək”,- deyə nəşr yazır.
Bundan əlavə, iqlim dəyişikliyi Baltik limanlarının inkişafına mənfi təsir göstərir. Qış fəslinin son illər daha isti keçməsi Rusiyanın Finlandiya körfəzi sahillərindəki limanlarını daha sürətlə inkişaf etdirməsinə imkan verdi.
Seanews.az
