Bakı Limanı bu il “Xəzəri qoruyaq” adlı Beynəlxalq Sahil Təmizləmə kampaniyasının tərəfdaşı olub. Beynəlxalq kampaniya bu il Bakı Limanının, “Coca-Cola”, “PAŞA Bank”, “Bakcell”, “Carlsberg” və s. şirkətlərin tərəfdaşlığı, Azərbaycan Respublikasının Ekologiya və Təbii Sərvətlər Nazirliyinin dəstəyi və “EcoHub” ekoloji platformasının icraçı tərəfdaşlığı ilə təşkil olunub.
Layihənin məqsədi ölkədə ekoloji vəziyyətin yaxşılaşdırılması, əhalinin maarifləndirilməsi və ətraf mühitə məsuliyyətli yanaşma prinsiplərinin təbliğidir. Layihədə Bakı Limanın əməkdaşları da iştirak edərək Xəzəryanı sahil ərazilərini təmizləyiblər.
