Küveyt limanları administrasiyası Şuveyx limanında yanalma körpülərinin yenidən qurulması layihəsinin birinci mərhələsinə başlayıb. Layihənin dəyəri 48,747 milyon Küveyt dinarı (160 milyon dollar) təşkil edir.
Bu barədə limanın press-relizində məlumat verilib.
Layihənin podratçıları olan Cənubi Koreyanın tikinti şirkəti “Hyundai E&C” və “Gulf Construction and Marine Works” işləri 3 il ərzində başa çatdırmağı öhdələrinə götürüblər.
Tikinti işlərinə Şüveyx limanının ümumi uzunluğu 1,3 km olan yanalma körpülərinin yenidən qurulması və təmiri, limanın qərb yanalma körpüsünə və 8 saylı estakadanın asma hissəsinə texniki xidmət daxildir. Yenidənqurma işləri başa çatdıqdan sonra limanın yanalma körpüləri müxtəlif tipli gəmiləri qəbul edə, gəmi daxilolmalarının sayını və yük dövriyyəsini artıra biləcək.
“Seanews.az”
