Ömrünün 45 ildən çoxunu gəmiçiliyə, peşəkar dənizçi kadrların yetişdirilməsinə həsr edən Ərrəhman Tağıyev 65 illik yubileyini qeyd edir.
Ərrəhman Saday oğlu Tağıyev 1959-cu ilin aprelin 1-də Ağdam rayonunun Gülablı kəndində anadan olub.
O, 1974-1978-ci illərdə Qafur Məmmədov adına Bakı Dəniz Yolları məktəbinin “Gəmi güc qurğularının istismarı” fakültəsində təhsil alıb.
1978-ci ildə Azərbaycan Xəzər Dəniz Gəmiçiliyinin “Şamaxı” quru yük gəmisində motorçu olaraq əmək fəaliyyətinə başlayıb. Qısa müddətdə baş mexanikliyə qədər yüksəlib.
Təcrübəli dənizçi 2016-cı ildən indiyədək ASCO-nun Azərbaycan Dövlət Dəniz Akademiyasının Təlim Tədris Mərkəzində təlimatçı vəzifəsində çalışır.
Ərrəhman Tağıyev 2018-ci ildə “Azərbaycan Xəzər Dəniz Gəmiçiliyinin 160 illiyi (1858-2018)” Azərbaycan Respublikasının yubiley medalı ilə təltif edilib.
