Almaniyanın Azərbaycandakı Ticarət Palatasının (AHK)nümayəndə heyəti ilə Bakı Limanında görüş keçirilib
Almaniyanın Azərbaycandakı Ticarət Palatasının nümayəndə heyəti bu gün Bakı Limanına səfər edib. Əsas məqsədi Avropa və Asiya arasında mühüm körpü rolunu oynayan Bakı Limanında həyata keçirilən əməliyyatlar və inkişaf layihələri ilə tanışılıq olan səfərə təşkilatın Şərqi Avropa və Mərkəzi Asiya bölməsinin rəhbəri Andre Fritsche və Ticarət Palatasının rəhbəri Tobias Bauman rəhbərlik edib.
Potensial əməkdaşlıq imkanlarınının müzakirə edildiyi görüş zamanı qonaqlara Bakı Limanının texniki imkanları, limanın inkişafının ikinci mərhələsi və statistik göstəricilərə bağlı məlumat verilib, onları maraqlandıran suallar cavablandırılıb. Terminallara da baxış keçirən biznes nümayəndələri ilə Bakı Limanının əməliyyat imkanlarının genişlənməsindəki iştirakı da müzakirə edilib.
Source:https://www.facebook.com/BakuSeaTradePort
