2013-2022-ci illərdə Süveyş kanalından 50,9 milyard dollar gəlir əldə edilib.
“Seanews.az” Süveyş Kanalı Administrasiyasının (SCA) hesabatına istinadən xəbər verir ki, bu ilin birinci rübündə SCA-nın gəlirləri 2022-ci ilin eyni dövrü ilə müqayisədə 35% artaraq 2,3 milyard dollara çatıb.
Ən çox gəlir – 7 milyard dollar həcmində – 2021-2022-ci maliyyə ilində qeydə alınıb.
SCA-nın sədri Usama Rabinin proqnozuna görə, 2023-cü ildə kanalın gəliri 8,7 milyard dollara çatacaq.
Son 10 ildə Süveyş kanalından ümumi tonajı 11,1 milyard ton olan 186,9 min gəmi keçib.
Cari il martın 13-də bir gündə kanaldan rekord sayda – 107 gəmi keçdiyi qeydə alınıb.
