Belarus beynəlxalqarbitraja müraciət edərək, “Belaruskali” ASC-nin istehsal etdiyi gübrələrin Klaypeda dəniz limanına tranziti ilə bağlı müqaviləni pozduğuna görə Litvanın 1 milyard avro məbləğində təzminat ödəməsini tələb edib.
“Seanews.az” xəbər verir ki, bu barədə Baltikyanı Respublikasının Rabitə və Nəqliyyat Nazirliyi məlumat yayıb.
“Belarus tərəfi investisiyaların təşviqi və qorunması haqqında 1999-cu ildə Litva-Belarus sazişinə əsaslanan arbitraja müraciəti barədə bizə məlumat verdi”, – departament rəhbərinin müşaviri Qabriele Vasiliauskaite jurnalistlərə bildirib. Müşavirin aydınlaşdırdığı kimi, “Belaruskali” 1 milyard avro məbləğində təzminat tələb edir.
2022-ci il fevralın 1-də Litva hökuməti milli təhlükəsizlik maraqlarına cavab vermədiyi üçün Belarus gübrələrinin tranziti haqqında sazişi ləğv edib. Bu, ABŞ-ın onlarla Belarus şirkətinə, o cümlədən “Belaruskali” ASC-yə qarşı sanksiyalar tətbiq etməsindən sonra baş verib.
