“CMA CGM” qrupuna daxil olan Asiyadaxili qısa dəniz operatoru “CNC” və “COSCO” şirkətləri “KCS” və “China 1” xətlərində gəmilərdən birgə istifadə haqqında müqavilə imzalayıblar.
“Seanews.az” xəbər verir ki, “KCS” xəttində 6-7 min TEU tutumlu 5 gəmidən istifadə ediləcək, onlardan 4-ü “CNC” şirkəti tərəfindən idarə olunur.
“KCS” xəttində isə gəmilər Tyanzin – Dalyan – Sindao – Sinqapur – Cakarta – Surabaya – Manila – Tyanzin ardıcıllığı ilə limanlara yan alacaqlar.
“China 1” (“CHN1”) xidmətində 29 dekabr 2023-cü il tarixindən etibarən 6 min TEU tutumlu dörd konteyner gəmisindən istifadə ediləcək, onlardan üçü “CNC” tərəfindən idarə olunur.
“CHN1” xidmətində gəmilərin limanlara yanalma ardıcıllığı belə olacaq: Şanxay – Ninbo – Suançjou – Şantou – Şençjen (Şekou) – Nanşa – Cakarta – Surabaya – Davao – Şanxay.